Ua molia nei se alii i le maliu o lona tamā i Western Sydney.
O le faalavelave lea na mua’i lipotia atu ananafi ae o lea ua faailoa mai tulaga o lea faalavelave.
Na maua atu e leoleo le tamā e 64 tausaga i se fale i Wentworthvill o loo iai manu’aga i lona ua ma e ui sa tau togafitia e paramedics peitai na maliu lava.
Ua faailoa i le 9News o lē ua maliu o George Vaz ae o lona atalii e 34 tausaga o Shayne Vaz na pu’e e leoleo i le po anapo ma molia ai i le fasioti tagata.
O le tinā o le aiga sa iai foi i le fale i lea taimi ma e le’i famanu’alia ae molimau tuaoi sa faalogoina le fe’ei ane o tagata mai le fale lea a o le’i tupu lea o le faalavelave ma e lē pau lea o se taimi e valaau ai leoleo i lea aiga.
Fai mai leoleo e lē na o le tasi se tui i lē ua maliu ma o se tala faanoanoa.
Puna o Faamatalaga: https://www.9news.com.au/national/man-arrested-over-deadly-stabbing-in-western-sydney/1b13637f-f0f2-4cfb-a5a5-373dad721bc2
