O loo mananao pulega a faaitu, Councils ina ia faatulaga e latou a latou fees poo totogi ma faasalaga ina ua alia’e i se lipoti le finagalo o le malo i nisi o a latou faiga faavae e faatatau i rates.
Ua ta’ua i le RNZ o le suesuega na faia e le NZIER na iloa ai o nisi o vaega i faiga faavae sa faamalosia e masani lava ona avea e lē o ni vaega e matuai naunautai iai pulega faalotoifale ma komiuniti ma o tulaga lē mautonu faapolokiki e faatatau i ia faiga faavae e masani ona afua ai ona maualuga nisi tau e totogi.
Sa saunoa le sui peresetene o le Local Government NZ, Campbell Barry o faataitaiga e aofia ai le faiga faavae e faatatau i le faalauteleina o ni galuega i nuu i tua, o nisi o vaega sa tatau ona faatino e le malo ma e manatu foi e tatau ona saofafai lelei ai ma talanoa ma sui o pulega mo se tali.
E tatau ona mafai ona faatulaga e le Council a latou lava totogi ma rates aemaise lava i mea e pei o le puleaina o kapaka, laisene o ava malosi ma isi.
Na saunoa foi Chris Hipkins i le lipoti a le leitio faavaomalo ua matuai lē ogatasi lava le faigamalo ma mea moni o loo tulai mai i pulega faalotoifale.
E lē o faailoaina i le lipoti se tali ane a le malo i lea mataupu.
Puna o Faamatalaga: https://www.rnz.co.nz/news/national/523653/councils-want-fee-setting-powers-to-tackle-government-imposed-costs
