O loo faia nei suesuega i le mae’a o le maliu o se alii i le falemai mai manu’aga tuga i lona ulu.

Na faailoa e le One News o le tagata lea e 60 tausaga na aveina atu i le falemai mai se fale i Manurewa i le Aso Gafua talu ai ona o manu’aga tuga i lona ulu.

O loo faailoa e le alii leoleo asiasi o Mike Hayward i le lipoti a le ofisa suesue o leoleo i Manukau na o latou faamaonia le maliu o sia tagata i le aso ananafi.

Na pueina mai i le nofoaga lea se isi alii e 48 tausaga le matua ma molia ai i le faaoolima faamoemoeina ma o le aso 3 o Me ua fuafua e tulai ai i le faamasinoga.

Ta’ua foi e le leoleo e ono iai nisi moliaga faaopopo a o faaauau ai pea suesuega.