E to’alua tamaitai ua maliliu ma isi o loo manunu’a i le faalavelave tau taavale i le Fleurieu Peninsula i le aoauli ananafi i le aai o Adelaide.

O se loli ma isi taavale na lavevea i le itu i Saute o Adelaide ae ua faailoa o nai tamaitai ua maliliu sa nonofo i le pito i tua i se tasi o taavale ma na maliliu ona o manu’aga.

O le isi e 44 tausaga na maliu ai i le vaega na tupu ai le faalavelave a o le isi na maliu mulimuli ane i le falema’i.

O loo iai isi o loo manunu’a tigaina foi ma ua faailoa e leoleo poo le te’a laititi o le 12 i le aoauli ananafi na tupu ai le faalavelave, feto’ai le loli ma taavale e tolu ma o le avetaavale la o le isi taavale o le Ford e 43 tausaga, na ave i le falema’i i se tulaga tigaina.

O le isi pasese i le taavale lea o se tamaititi 14 tausaga na ave foi i le falema’i mo togafitiga.

O le aveloli e 35 tausaga na togafitia foi i le falema’i ma ua molia i moliaga e lua e tusa o lea faalavelave. 

Puna o Faamatalaga: https://www.abc.net.au/news/2024-11-05/two-women-killed-in-multi-vehicle-crash-wattle-flat/104560662