O le to’atele o tagata na faaali finagalo i le faia ma le lē faia o le fale’aiga o le McDonald’s i Orakei, e lē o manana’o iai.

Na tapunia i le faai’uga o Ianuari le avanoa na tuu mai e faaali finagalo ai i lenei fuafuaga, ma faamaonia mai e le puleganuu a Aukilani, mai le 381 na faaali finagalo, o le 331 o loo tetee, 45 e ioe ma le to’alima e lē o iloa.

Mai lea to’atele ua saunoa le sooupu o le puleganuu a Aukilani, o le 80 o tagata nei o le a tutula’i e faaali finagalo i le tolaulauga o le mataupu lenei i le masina o Me.

O le talosaga mo le laisene e faia ai le McDonalds i Orakei o le faalua ai lea ona faatalosaga le fale’aiga mo le nofoaga lava lenei e tasi.

I faamaumauga o loo iloa ai o le fale’aiga o loo faatalosagaina sona laisene e tatala 24 itula, fitu aso o le vaiaso ma e mafai ona ofi ai le 27 tagata i totonu mo taumafataga.

O le popolega tele o tagata Orakei i le fuafuaga lenei, o le afaina ai o taumafaiga na ala ai ona faia lona togalaau’aina tele lea e lata i le nofoaga o loo fuafua e faatu ai le McDonald’s.

Puna o Faamatalaga: Submissions overwhelmingly against Ōrākei McDonald’s | RNZ News