E le o toe mamao tatala le avanoa mo le quota mo Samoa faapea isi atunuu Pasefika.
O le faasilasilaga lea mai le minisita o le vaega o femalagaiga a Niu Sila, Michael Wood ma e oo atu I le 5900 tagata o le a manuia ai e maua avanoa nofomau i totonu o le lua tausaga a sau.
Taua e le minisita o le a fesoasoani lea I le tamaoaiga o Niu Sila.
Ao sau ai lea tala fiafia, o lea o le a faia uma talosaga o le quota online, ma e na o le tasi le masina o le a tatala mai ai e faaulu ai talosaga.
O le 5900 avanoa o loo aofia ai ma se vaega o avanoa e le I mafai ona faaaogaina I le 2020 ma le 2021 ona o le Koviti, ma o Samoa o le a faasafua avanoa i le tausaga nei faasolo atu I le 2025.
O avanoa o le kuota mo Samoa o le a tatala I le aso 3 o Oketopa ae tapunia I le aso 2 o Novema, ae mo isi atunuu Pasefika e faatoa tatala I le aso 5 o Oketopa tapunia ai I le aso 4 o Novema.
Faaliga o laei a le Pasefika
0 O le a faia se faaaliga o laei a le Pasefika ma tatau – pea po o le malu
