O se faalavelave tau taavale na tulai mai I Aukilani I le taeao analeila na faamanualia ai se tamaititi, O le fesoasoani faavavave na valaau ane ile tulimanu oKipling Ave ma Manukau Road I Epsom ao lei afa le valu I le taeao. St John e toatasi le tagata na ave I le falemai o tamaiti le Starship mae feololo le tigaina o manuaga.
E toaono isi tagata na faia siaki e paramedics ile nofoaga na tupu ai le faalavelave mae manua mitimiti. Tele taavale ale fuimu na agai ane I le faalavelave lea ma ua tuuina ane ai e le Auckland Transport se lapataiga e faatatau I le faalavelave ina ia faaeteete le au ave taavale ma ia tulimataia le poloka o le alatele.
Taua e le Herald se faamatalaga a se molimau na agai ane i se pasi sa ui ane tonu I le nofoaga na tupu ai le faalavelave e faapea na vaaia seisi taavale ua mafuli. Sa tuuina foi se lapataiga a le Auckland Transport ua tapunia le laina ole train ile va o Britomart ma Penrose I itu uma e lua.
