Ua lata mai le aso e aloa’ia ai tulafono o le a faamalosia faiga fou e faatau ai le ‘ava malosi i Aukilani.
O suiga nei o le a lē mafai ai ona faatau se ‘ava malosi i tua atu o le ta o le 9 i le po, ma e lē gata i fale o loo faatau ai ‘ava malosi ae faapea supamaketi.
Mo fale’aiga ma papu o lea lava e faataga seia oo atu i le ta o le 4 i le taeao pe afai o fafo ma le taulaga faatau o Aukilani e iai, ae o le tolu i le vaveao pe afai o totonu o le taulaga.
O se tasi lenei o suiga ua faaofi mai e le puleganuu a Aukilani i lalo o lana Local Alcohol Policy, ma o le Aso Gafua, aso 9 o Tesema lea e aloa’ia ai.
O le sini o lenei suiga o le tuuitiitia lea o le aafiaga o tagata ona o le ‘ava malosi ma ua tele tausaga o taumafai mai seia oo mai ai ina faamautū i le masina o Aukuso.
Puna o Faamatalaga: Stricter rules for Auckland alcohol sales kick in on December 9
