Ua lapata’ia tagata taeele i le sami i Aukilani i le mageso, a o ta’ua mai le to’atele o tagata e uma ane ae mageso ma pata le tino.
O le Aso Lua o le vaiaso nei o loo ta’ua mai ai le mageso o tino o nisi sa taeele i le matāfaga i Takapuna, ma ina ua toe faalauiloa i luga o le Facebook o i na iloa ai le to’atele o isi foi tagata ua aafia ai ma e lē tasi se matāfaga o ta’ua mai ai.
E oo mai i le Aso Lulu o le vaiaso nei ua lapata’ia i luga o le Safeswim tagata Aukilani ia faaeteete ma ia mautinoa e malupuipuia a o iai i matāfaga a Milford ma Orewa, ae oo mai ai ananafi ua faaopoopo iai ma Takapuna ma Big Manly.
Mai le soifua mālōlōina i Aukilani, o le to’atele o tagata ua aafia i le mageso lenei e maua mai i le sami o fanau, ma e eseese lava aafiaga e oo iai, o nisi e tigaina, o nisi e leai ma e ono oo atu i le vaiaso le umi e maua ai poo le sili atu foi.
Puna o Faamatalaga: Seaborne eruption: Rashes plaguing Auckland beachgoers
