Ua faia se faamatalaga a le ta’ita’i o Kanata, Justin Trudeau ua ia faaigoa ai le taua o fefaatauaiga a Amerika, o le Trade War o se faiga faavalevalea tele lona faiga.
O le mataupu lenei na amata e Amerika faasaga i ana paaga tetele e tolu tau fefaataua’iga, na matua’i tetee iai Mexico, Kanata ma Saina ma tele ai se aafiaga i maketi tau fefaataua’iga.
O se taimi e le’i mamao atu sa amata faamamalu ai e le 25 pasene o lafoga faaopoopo a Amerika i luga o oloa e auina atu i le atunuu mai Mexico ma Kanata aemaise foi ia Saina.
Fai mai le Palemia o Kanata, o le a faia foi e lona atunuu ni lafoga i le silia i le $100 piliona Amerika mo oloa mai Amerika e aveina atu i Kanata.
Fai mai Trudeau o le a tumau ai pea a latou lafoga ia i oloa Amerika se’i vaganā ua aveesea foi gaioiga a Amerika.
Puna o Faamatalaga: https://www.9news.com.au/world/trumps-longthreatened-tariffs-against-canada-and-mexico-are-now-in-effect-kicking-off-trade-war/34538341-1674-47e9-bb82-eb1739f5c354
