E le’i manuia le taumafaiga a le ‘au a Tonga i le la finals ma Ausetalia i le aso ananafi peitai na faaleoina le fiafia o le to’atele o le ‘autapuai i le taumafai a le ‘au.
E tulaga ese le finau a le ‘au a le Kagalū i le taaloga lea aemaise i alii taaalo o Tom Trobojevic ma Tom Dearden lea na faaaogā o la tomai e maua ai sikoa mo le Kangaroos.
Na foliga e pei o Tonga sa fai ai le taaloga i le matua’i faatumulia o le malae a le CommBank Stadium i le ‘autapuai ma a latou fu’a o le atunuu.
O le alii o Sione Katoa na muamua sikoa mo Tonga ma e ta ane le ‘afa ua 14 Kangaroos -Tonga e 4.
O le sa’iliga lea o le siamupini i le itupa o alii i le Ipu a le Pasefika poo le Pacific Cup.
O ‘ai faai’u o le taaloga Ausetalia 20 Tonga 14.
E ui la e le’i manuia le taumafai a Tonga peitai sa faafiafiaina pea le to’atele o le latou ‘autapuai fai mai e fai foi e latou le mau, ‘E toe oso foi le la’.
Sa matagofie le taumafai a le Fetu Samoa i le la taaloga ma PNG.
O i’uga o isi taaloga i le aso ananafi na malo ai le Fetu Samoa i le la taaloga ma le PNG Orchids 34-12.
O le finals a tamaitai na mālō ai le Jillaroos a Ausetalia i le Kiwi Ferns 24-4.
Puna o Faamatalaga: https://www.nine.com.au/sport/nrl/pacific-championships-2024-final-australia-kangaroos-tonga-tom-trbojevic-tom-dearden-20241110-p5kpfu.html
