Ua maua I suesuega na faia, o loo filo ai ma kamupani pulea mai fafo I le lisi o kamupani na totogiina atu iai e le malo wage subsidy e fesoasoani I taimi faigata o le koviti

O kamupani nei e le totogi lafoga I totonu o NZ, lea e aofia ai le China Southern Airlines, Air China ma le Lufthansa na o latou mauaina le faitau selau afe mai le malo e ala I le wage subsidy

O ni suesuega ua ripotia mai e le newshub ua sau faatasi ma le lisi o le toa38 pisinisi I totonu o NZ na talosaga mo le subsidy, ae mulimuli ane sau I tua tupe maua o le faaiuga o le tausaga faaletupe o loo maua a latou polofiti, lea ua toe faasafua atu e nisi ia I latou o loo umia sea poo shareholders

Talosaga mai ai ma le tamaitai palemia, Jacinda Ardern I nei kamupani o loo maua a latou polofiti ae na tapa le fesoasoani a le malo e ala I le subsidy, e faia le amiotonu e ala I le toe totogi atu o tupe na o latou faatalosagaina e ui e le o faamalosia

o wage subsidy nei na fautuaina ai e le vaega o tupe le minisita o tupe, Grant Robertson o se fuafuaga e ono maumau ai tupe a le atunuu I pisinisi tetele, ma o se mataupu ua atili faigata ai ona e le I iai ni tulafono e pa puipuia ai pisinisi e mulimuli ane maua a latou polofiti I le faaiuga o le tausaga faaletupe

Ao saunoa ai la Jacinda I le saolotoga e filifili ai pisinisi ma le leai o ni tuutuuga e ono faasala ai, o lona uiga o le 387 miliona tupe a tagata totogi lafoga e le toe foi mai.