Ua faifai tetele gaioiga a le ausolotetee o loo faatino nei i Melepone ma ua vaaia le susunuina o se kalone lapisi tele ma ni pa ua faaleagaina a o faataututū ma leoleo i se nofoaga i Melepone o loo faia ai se faaaliga o ni a’upega.

Sa faaaogā e leoleo spray faatagimata e faata’ape ai le autetee na potopoto i fafo ane o le faaaliga o loo faia, le Land Force Defence Expo i le Convention and Exhibition Centre i Melepone.

Pe ā ma le 25 afe tagata sa fuafua e tatau ona auai ai ma e faitau selau foi leoleo ma le riot squad, ua ta’ua o se solotetee aupito to’atele lea ua faamauina i le aai.

Toeitiiti 1,800 malu o le malo o loo auai ma o loo auai atu ai ma leoleo mai NSW.

Ta’ua i lipoti e talitonuina e to’atasi le malu o le malo o loo faamanu’alia ma o loo mata’itūina pea lea solo tetee, saunoa le Premier o Vitoria, Jacinta Allan e matua’i lē taliaina amioga a nisi o le autetee na o latou osofa’ia leoleo ae fia faafetai i malu o le malo i lo latou tiute o faia pea i le puipuia o le komiuniti.

E tele auala o loo poloka ona o le tetee, e to’atele e lagolagoina Palesitina ma o loo faailoa le tetee i a’upega o loo faailoa i le faaaliga lea, fai mai la latou mau o a’upega faapea ua ma’umau ai soifua o le to’atele o tagata i vevesi i atunuu i fafo.

Puna o Faamatalaga: https://www.9news.com.au/national/melbourne-protests-anti-war-crowd-outside-weapons-expo-in-pictures/fa41bdce-46c9-4805-ab71-4738463b3652