O le a faaitiitia le auaunaga fai soo a le Australia Post o le kilivaina o tusi i aso taitasi i se taumafaiga e faaitiitia le tupe alu.
Lipotia i le asō o lea faiga o le a tailua aso ma faatino ma e ui o lalo o aiaiga a le faigamalo fou e manaomia ai ona ave le faamuamua i le kilivaina meli ma afifi i aso uma peitai ua finau le Australia Post ua faaitiitia pea le aofai o tusi e maua atu i le meli ma ua faafaigata foi ona faaauau ai pea lea auaunaga ae lē o toe tele ni meli e kilivaina.
O le suiga la lea i le kilivaina o tusi ua fuafua o le a faagasolo mo le isi 12-18 masina ma ua faailoa foi e le malo o le a lē faaitiitia ai le aofai o falemeli i Ausetalia aemaise foi i vaega maotua.
O le masina o Aokuso o le tausaga nei na faailoa ai e le Australia Post e 200 miliona le gau ua faamauina i gauega faaletausaga.
