Ua toe faatulaga mai e le faalapotopotoga o vaa a Samoa malaga a le vaa laupasese o le Lady Naomi, mo vaiaso taitasi o le masina lenei o Oketopa, i le tuanai o se taimi sa faia ai ia malaga i le tai lua vaiaso.
O lea foi ua faailoa e le pulega o le faalapotopotoga o vaa a Samoa, le toe foi o le numera o pasese i le aofaiga masani e 200 i le tuanai foi o se taimi sa ave ai na o le 60, 80 ma le selau le pasese.
E iai le talitonuga o le matala ia sega o se finagalo o le faigamalo a Tutuila ma Manua, ua mafai ona toe foi ai malaga a le Lady Naomi i tulaga masani, ma o se itu lelei lea mo tagata e malaga i le va o Samoa e lua, aemaise i uta ma faamomoli i le va o Samoa ma Amerika Samoa.
Ua faaalia e le faalapotopotoga o vaa a Samoa, e ui ua toe foi i tulaga masani malaga a lea vaa a le faalapotopotoga, peitai e fua le tausisia o taimi faatulagaina o malaga i suiga lē maalofia e ono tulai mai i soo se taimi.
O le faamanatu i tagata malaga ma i latou e ave uta ia utagia aiaiga ma tuutuuga faaletulafono i le feaveaiina o uta ina ia tapena mae’ae’a.
