O le a faataunuuina pea polokalame o le Waitangi Festival e pei ona fuafuaina
O le faamaoniga lea mai le Waitangi National Trust I le maea fono ai ma le Northland District Health Board faapea ma le faatonusili o le soifua maloloina, Dr Ashley Bloomfield
O le faamaonia mai ai o le tina Northland I le vairusi mai Aferika I Saute I le vaiaso talu ai, na sau ma le fesili pe faamata e tatau ona faataunuuina pea le festival faaletausaga o le faamanatuina o le Waitangi o le 2021
O polokalame o loo fuafua e amata I le Powhiri mo le kovana sili faapea le palemia I le Aso Tofi, le aso 4 o Fepuari, ma faaauau ai pea seia oo I le aso o le Waitangi lea o loo tapena iai le tele o faafiafiaga
Ao taunuu ai la sauniga faamanatu o lenei Waitangi, o loo fautuaina tagata uma ia tautuana le tumama, faaaoga le Covid Tracing app, ma nofo I le fale pe afai e le o malosi atoatoa
