Ua faatumau pea ona faagaioia le ofisa o le Fono Faavae o le itumalo palota o Faleata 1, i le maota ma le fanua i Sinamoga sa avea ma meatotino a Felela Malisi i Samoa, ina ua faamautu se maliega ma se ulugalii e alala i Ausetalia ua o la faatauina le fanua o Felela.
Na maua se avanoa i le sui faipule o Faleata 1 ma tāpā ai sona finagalo e faamanino ai le tulaga i le ofisa o le Fono Faavae o le latou itumalo, e pei ona sa faasalalau e se pisinisi faatau fanua le faatauina ese o le fale ma le fanua i se taimi o le tausaga nei.
Le afioga i le Minisita lagolago o le Matagaluega a le Palemia ma le Kapeneta o le sui faipule o Faleata 1, le tofa Manuleleua Paletasala Tovale.
