O le a mafai ona ulufale mai I le masina fou tagata faigaluega faavaitaimi mai Samoa, Toga ma Vanuatu
O le faasilasilaga lea mai le tamaitai palemia, Jacinda Ardern ananafi, ma o nei tagata faigaluega o le a le moomia le tau faanofoesea
O se tala fiafia lea mo itu uma e lua e le gata I tagata faigaluega o loo saili galuega mai I si o tatou atunuu faapea Toga ma Vanuatu, ao le au faifaatoaga foi I Niu Sila lea ua fai si umi o tigaina I le fiu e saili ni tagata faigaluega
E 14,400 tagata galulue faavaitaimi I totonu o le tausaga sa masani ona aumai, peitai na suia ina ua sau le Koviti, ma I le maea sau o le faasilasilaga ananafi e le o mautinoa le fuainumera o tagata galulue o le a faataga ona ulufale mai ia Setema
Saunoa le tamaitai palemia o atunuu e toatolu ua filifilia e le o aafia o latou komiuniti I le Koviti
Faailoa ai e le minisita o femalagaiga, Kris Faafoi le faafiafiaina o Samoa, Toga ma Vanuatu I le tala ua faailoa mai
E ui la e saoloto le taunuu mai, o le a iai lava aiaiga e pei o siaki a’o lei tuua atunuu o loo faimalaga mai ai, faapea ma siaki I le toai tauuu
