Ua faaopoopo isi avanoa mo nofoaga faanofoesea I Kalaiesetete
100 potu faaopoopo ua sau ma le faletalimalo a le Quality Hotel Elms I Papanui lea ua avea nei ma nofoaga faanofoesea
Faailoa e le minisita o le Koviti, Chris Hipkins o lea na talosaga le kapeneta I le matagaluega o pisinisi o loo vaaia nofoaga nei e faaopoopo nisi fale sei tau fesoasoani ai I le toatele o tagata Kiwi o loo poloka I fafo ona o le utiuti o avanoa e omai faanofoesea ai
Ua 32 ai nei ma nofoaga faanofoesea ma ua faaopoopo ai le isi 85 potu avanoa mai le ogatotonu o Novema
Ese mai I Kalaiesetete o loo faapea foi ona faaauau pea suesuega ma faatalanoaga I isi faletalimalo e mafai ona suia e avea ma nofoaga faanofoesea
