Ua mana’o le pulenuu o Aukilani Wayne Brown e faamuta le Auckland Transport.
O se tasi lea o itu o suiga o loo mana’o Brown e faia i council-controlled organisations poo CCOs ma o le faapogai ia atili faamalosia le tausimea lelei ma tuuitiitia le soona faaalu lē aogā o puna’oa.
O ni suiga o loo mana’o le pulenuu ia aloa’ia i le masina o Iulai i le tausaga fou.
Pau le itutino e lē o oo iai le pulenuu e sui o le pulega o le suavai a le aai, le Watercare.
A o finau malosi ai le pulenuu i suiga nei, ua lipotia e le Herald e silia ma le 80% o tagata Aukilani o loo lagolagoina le finagalo o le pulenuu.
O suiga nei ua mae’a folasia i luma o councillors, na amata mai i le vaiaso talu ai ma faaauau mai ai i le vaiaso nei ma o lea foi o loo tauaofa’i i totonu o le paketi lē aloa’ia a le pulenuu lea e faalauiloa i le vaiaso fou mo finagalo faaalia o tagata lautele a o le’i faapalotaina.
Puna o Faamatalaga: Auckland Transport on the chopping block in massive shake-up by Mayor Wayne Brown – NZ Herald
