O le vaiaso nei le taamilosaga faaiu o le Super Rugby Pacific ma faamautu ai ‘au e valu pito i luga mo quarterfinals. O le Blues e lē taumate o le isi lea ‘au mautinoa ma i le pito i luga i le taimi nei ina ua faia’ina ai le Brumbies i le vaiaso talu ai.
O le tulaga lua agai atu i le tulaga valu o le a faamautinoa i le faaiuga o le vaiaso nei ona faaauau ai lea i le fa pito i luga poo le top 4 i le vaiaso fou. O le Blues, Crusaders, ma le Brumbies o le a faia uma a latou taaloga i o latou malae ma o le tulaga fa o loo tauva ai le Chiefs, Hurricanes ma le Waratahs.
Ole Reds o loo tulaga fitu male Highlanders o loo i le tulaga valu i le taimi nei. I taamilosaga taitoafitu o le lakapi ma le HSBC e pei ona sa faagasolo e manatu nisi ua faaauau pea ona agai i luma le taumafai a le Manu Samoa lea na oo i le fa pito i luga o le taamilosaga na faia i Toulouse a o faatalia ai le isi vae o le taamilosaga i le faaiuga o le vaiaso i Lonetona.
