Ua folasia mai nei e le minisita o le Soifua Mālōlōina, Dr Shane Reti le fuafuaga a le Malo ina ia ausia ana taula’iga e 5 tau le soifua mālōlōina.
O le amataga o le tausaga nei sa folasia ai e le alii minisita taula’iga ia e 5 e aga’i tonu i le faaitiitia o le taimi e aumau ai gasegase i vaega o emergency departments, faaitiitia taimi e faatali ai mo le vaaia o se foma’i faapitoa, specialists, faaleleia tulaga tau tuipuipui mo tamaiti ma ia faavave ona maua se avanoa i togafitiga o le gasegase o le kanesa.
O le taeao analeila i le falema’i i Hutt sa faamanino ai e le minisita le faatautaiina o ia taula’iga uma.
O le a faaopoopo le numera o moega e faaaogā mo taotoga i falema’i faalauaitele, o le a iai isi masini fou mo togafitiga o le kanesa, faaopoopo ai ma nisi nofoaga mo le komiuniti e fesoasoani i le faiga o chemo.
Puna o Faamatalaga: https://www.1news.co.nz/2024/09/12/shane-reti-outlines-plans-for-hitting-govts-five-health-targets/
