E iai nisi o tagata e uma ane ua faaluaina le pili telefoni e totogi i taimi lea e suia ai kamupani telefoni e o iai.
O le tala mai lea mai le komisi o pisinisi ma ua faatalosagaina ai le tatau ona faia iai se suiga.
Ua maua e le komisi o le 30% o tagata Niu Sila e lē o manana’o e suia kamupani telefoni e o iai e ui e foliga mai e ono faasao ai le isi tupe, ae mafua lea ona e faafaigatā toe taugatā.
O nisi e tusa ma lipoti a le leitio faavaomalo a Niu Sila ua toe molimau, ona o le faigatā tele ua sili ai lava le tuu.
O itu nei ua fai mai ai le komisi ua tatau ona au’ili’ili ma ia mautinoa o loo lelei le maketi ma e maualalo poo le leai foi o ni pa pupuni e faafaigatā ai i tagata ona sui kamupani telefoni feavea’i poo broadband i taimi e manana’o ai e sui.
Puna o Faamatalaga: Customers ‘double-billed’ when they switch mobile provider | RNZ News
