Faaauau mai i le taeao nei ona aafia femalagaa’iga a vaalele i le malaevaalele i Aukilani ona o le malosi o puao.
O lea ua lua taeao sosoo o aafia, ma e lē o faigofie i tagata feoa’i faapea ai tagata galulue o loo tautuaina.
I faamatalaga mai le malaevaalele a Aukilani i le te’a o le 5 i le taeao nei o loo ta’ua e 11 faigamalaga a vaalele feoa’i i totonu o Niu Sila o lea ua faalēaogāina, ae tolu ua faatuai.
E lē o ta’ua i fuainumera nei faigamalaga e 14 e lei taunuu anapo ona o puao lava nei, e ese ai le 45 faigamalaga sa aafia i le taeao ananafi.
E lē o iai se aafiaga i vaalele feoa’i faavaomalo.
E ese mai i vaalele, o lea foi na faatuai ai ma nisi o malaga a vaa feoa’i i le sami ananafi ona o le malosi lava o puao.
Puna o Faamatalaga: More travel woe at Auckland Airport due to fog (1news.co.nz)
