Ua toe faaauau i le asō le sa’iliga o le tamaitiiti e 11 tausaga lea na tafea i le sami i le aso ananafi i le central coast i Niu Sa Uelese.

Fai m ai leoleo o se tamā ma lana fanau tama e to’afā na taumafai e kolosi le The Entrance Channel i le te’a o le 5 i le afiafi ae tupu ai se faaletonu.

Na fesoasoani ane nisi tagata se to’alua sa iloa ane i latou ia ma lavea’ia ai tamaiti e to’atolu, 3, 7 ma le 11 tausaga peitai o le isi tamaitiiti lea 11 foi tausaga na tafea ese mai le aave o le sami.

Fai mai e 43 tausaga o le tamā na taumafai atu e lavea’i si ona atalii peitai ua lē iloa atu.

Sa faia faavave le sa’iliga a leoleo ma le fesoasoani a le Surf Life Saving, aga’i ane ai ma helicopter e lua peitai e le’i maua e oo mai i le taeao analeila ma toe amata ai le sa’iliga i le ta o le 8 i le taeao.

Puna o Faamatalaga: https://www.9news.com.au/national/central-coast-nsw-the-entrance-search/81da9fca-b22c-46d0-9d09-6d4eae028634