E lē tatau ona toe taliaina fale faigaluega e le o lelei ona vaaia tagata Pasefika o loo omai i lalo o galuega faavaitaimi.
O le sau o le faaiuga a le malo o le a faaopoopo le isi 3,000 tagata galulue faavaitaimi e omai i le summer atoa ai ma faatonuga e totogi aso ma’i, ua tu malosi ai le Amalgamated Workers Union ma faaleo lona manatu.
Mai le failautusi i tala a le leitio Niu Sila, Robert Popata, e le tatau ona toe faatagaina fale faigaluega nei latou te solia Tulafono.
O le finagalo o Popata o loo taulai lea i le lē lelei o fale ma potu o loo momoe ai tagata Pasefika o loo aumai e le polokalame, ma le tala o lea e tutusa lava ma moega o loo tofafa ai i o latou aiga.
E le o fiafia ai le sui o le iuni i le momoe uma i le potu e tasi.
A o sau ai la tala o le faaopoopo o tagata faigaluega e aumai, o le popolega ua faaalia e nisi o fale faigaluega o le lē lava o fale o loo iai nei atoa ai ma le puupuu o le taimi e tapena ai i itu tau fale.
Ua sau ai ma tala ua leva ona tatau ona toe iloilo le vaaiga o tagata Pasefika o loo aumai i lalo o galuega faavaitaimi a Niu Sila.
