O le alualutoto e na o na i aso le matua o lona soifua ma lona tina 27 tausaga lea na maliliu ina ua soa e le train i Hamiltone
Mai suesuega i o laua tino maliliu ua faamautinoa mai ai e le i atoa se vaiaso o le pepe, ma o loo faaauau pea suesuega poo le a le mafuaaga
Peitai i tala a leoleo tauala mai le Herald, e le toe iai nisi faamatalaga sau i tua faatatau i le maliliu o i laua nei
O le faalavelave lenei na tupu i le taeao ananafi ma e faapea na maliliu ai lava i le mea na tupu ai
Ua faaalia ai e le Mothers Matters le popole tele i le aafia o mafaufau o tina, ma ua faatalosagaina ai foi le malo mo se fesoasoani e lagolago ai manaoga e aofia ai le maloloina o o latou mafaufau mai lava i le taimi o tauave ai le tamaititi seia oo ina fanau
O se tala faanoanoa tele e pei ona molimau ai i le Herald ma e talitonu le Mothers Matters e tele isi faafitauli o loo ui ai tina ae e le o iloa
