Ua ta’utino le pulenuu o Wairoa, e lē gafatia e ona tagata le tau e $40 miliona lea ua sau le tala e faatupe ai galuega faamamā. 

O le vaega lenei o le East Coast na matuai pagatia i le vaiaso talu ai i lologa, ma o loo faatumauina pea lana poloaiga o faalavelave faafuasei, state of emergency. 

O Wairoa o lea ua leai se nofoaga e lafoai iai mea ua faaleagaina auā o lea na tumu uma lava i taimi o le afā o Gabrielle, ma o lona uiga e totogi le nofoaga fou e lafoai iai. 

O ni galuega faamamā ua sii ai i le 20% rates a tagata Wairoa ma ua fai mai ai le pulenuu ia Craig Little, ua leiloa nei pe faafefea ona totogi galuega faamamā o loo faasolo nei ma o le kapeneta lea o loo mafaufau e alu iai i le vaiaso nei mo se fesoasoani. 

O le aisiga a Little e faaopoopo lea i luga o le $300,000 lea na fofoga mai e le minisita o Emergency Management, Mark Mitchell e alu agai i le Mayoral Relief Funds e fesoasoani ai ia Hastings, Wairoa ma Tai Rawhiti. 

Puna o Faamatalaga: http://Wairoa flooding: Locals can’t afford $40 million clean-up bill – mayor | RNZ News