O Samoa ma Tonga ‘au ia o loo mate iai le toatele e malo i le taamilosaga o le lakapi taitoafitu a le Oceania o loo taalimalo ai i Honiara i le faa’iuga o le vaiaso nei. O loo iai foi ma Fiti i le taamilosaga ma o Samoa ma Tonga o loo tausinio uma ‘au a alii ma tama’ita’i i le taamilosaga.
O ‘au e lua pito i luga mai le itupa o alii ma le itupa a tama’ita’i o le a agavaa mo le Challenger series.
E fou uma foi faiaoga a au e lua i le itupa o alii, e pei ona iai le susuga ia Matamua Upati Junior Salima o loo faafoea le ‘au a alii le Manu Samoa, ma le tama’ita’i o Filoi Eneliko o loo ia tau’aveina le ‘au a tama’ita’i, le Manusina.
Puna o Faamatalaga: https://www.rnz.co.nz/international/pacific-news/535754/oceania-sevens-samoa-and-tonga-favourites-at-honiara-rugby-tourney
