Ua faailoa e le pulega a le faigamalo a Trump ua o latou taofia mo le taimi nei le silia i le 2 piliona o faaputugatupe a le faigamalo mo le Iunivesite o Harvard ae le’i leva ona faailoa ane e le iunivesite lo latou teena o nisi o suiga mai le Fale Pa’epa’e, le White House.

Fai mai le Matāgaluega o A’oga a Amerika i sa latou pepa o faamatalaga, o lea ua aliali ai i ituaiga mafaufauga o loo iai i se tasi lea o Iunivesite maualuga i le atunuu.

O le Aso Faraile talu ai na tuu atu ai se tusi mai le faigamalo a Trump i le iunivesite ua faamanino atu ai nisi o mea e mana’omia e faatulaga ai se faiga e tetee atu ai i uiga ma amioga lē manuia faasaga i tagata Isaraelu ma ua aofia ai ma suiga i le Puleaina ma le faafaigaluegaina o tagata i le iunivesite.

Fai mai o loo matua’i tetee le Iunivesite i lea tusi, lea la ua toe tali ane le faigamalo o le a taofia mo le taimi nei le fesoasoani tau tupe mo lea iunivesite.

Na faailoa e le BBC talu ona toe foi ane Trump i le Fale Pa’epa’e ua maitauina le malosi o lana finau e faatatau i le mataupu lea i Iunivesite ina ia faamuta lagona ma uiga lē fiafia i tagata Isaraelu.

Puna o Faamatalaga: https://www.bbc.com/news/articles/cz01y9gkdm3o