O le vaiaso nei lea ua lipotia e amata ai talanoaga i le va o Saina ma Amerika ia taumafai ai se faiga i le taua o fefaataua’iga i le va o atunuu tetele ia e lua.

O le sui Premier o Saina, He Lifeng o le a auai ai i talanoaga ia e faia i Switzerland mai le aso 9-12 o le masina nei e pei ona faamaonia mai e le ofisa o le va i fafo a Saina.

O le failautusi o tupe a Amerika, Scott Besent ma le sui o fefaataua’iga a Amerika, Jamieson Greer o le a fai ma sui o Amerika i lea fonotaga.

O le ulua’i taimi lea o le a faatalanoa ai lea mataupu i le va o atunuu e 2 ma e pei ona silafia o totogi faaopoopo a Amerika i luga o oloa auina atu i lo latou atunuu ua afua ai aafiaga lē lelei mo le to’atele i le lalolagi e lē gata i faipisinisi ae o tagata lautele foi.

Puna o Faamatalaga: https://www.bbc.com/news/articles/c8rgrejkvmjo