O le taeao nei na alu ese atu ai le uluai faigamalaga a le Ea Niu Sila mo Brisbane e aunoa ma le tau faanofoesea
O le aso ua amata ai faigamalaga saoloto a le Ea Niu Sila mo Brisbane e aunoa ma le faanofoese mo le 14 aso, ma e tatau ona muai faatumu le pepa e faailoa ai sa I totonu o Niu Sila I le 14 aso ae le I faimalaga
E lima faigamalaga a le Ea Niu Sila I totonu o le vaiaso e tasi I le va o Aukilani ma Brisbane, ma o le tolu o nei faigamalaga ua faia faapitoa e aunoa ma le faanofoesea, a’o le isi lua o le a faia pea mo I latou e tatau ona faanofoese mo le lua vaiaso
O loo faaauau pea faigamalaga a le Ea Niu Sila e le tau faanofoesea I isi vaega o Ausetalia e pei o Sini ma Melepone
Ao ofo mai ai nei faigamalaga saoloto, e le o iai se suiga mo pasese faimalaga mai Kuiniselani mo Niu Sila, o loo tumau lava le tatau ona faanofoesea mo le 14 aso.
