Ua tapena le McDonald’s e tuua Rusia
Silia ma le 30 tausaga talu ona iai le fale’aiga i Rusia ma o le siitau o Rusia ia Ukraine na sau ai ma tala ia Mati o le a tapunia mo se taimi le tumau le 850 faleaiga
Peitai i le taeao nei ua faamautinoa mai ai o lea ua amata faatau ana faleaiga ma o se faaiuga ua faia ona o le taua ma ua le mautonu ai ma le manuia o le pisinisi.
A o faia nei tapenaga o lea foi ua faailoa o le a faaauau pea ona totogi le tusa ma le 62,000 tagata faigaluega a le McDonald’s seia mautinoa ua maua se isi pulega fou.
O Rusia ma Ukraine na sau ai le tusa ma le 9% o tupe maua a le fale’aiga i le tausaga talu ai.
Ae mo le Burger King ma le Marks and Spencer, e tele le manao ae o loo faafaigata ona o maliega tau franchise o loo iai.
