Ua faailoa e le ta’ita’i o Ukraine o Volodymyr Zelensky i le BBC o teritori o Ukraine le matāupu aupito faigatā a o sauni ai sui o Amerika e faia talanoaga ma Putin.
O le matāupu tonu lava lea o loo naunau mai iai Lusia ia faamalieina o le faamatuu atu e Ukraine o nofoaga ia i le itu i Sasa’e o le Donbas Region lea o loo latou umia pea peita’i o loo tetee lava iai Kyiv poo Ukraine.
Ua mae’a ona talanoa le sui faapitoa a Amerika o Steve Witkoff ma sui o Ukraine faapea foi Macron ma ua aga atu mo talanoaga ma le ta’ita’i o Lusia.
E ui e lē o atoatoa finagalo o ta’ita’i o le atu Europa i le fuafuaga o le filemu a Amerika peita’i ua faailoa e Macron, ta’ita’i o Farani e faafetaia taumafaiga a Trump ma lana faigāmalo e faamuta lenei vevesi.
Pau le itu o loo talitali ai nei o se tali ane a Lusia i talanoaga ia ua fuafua mo le aso a taeao.
Puna o Faamatalaga: https://www.bbc.com/news/articles/c1m8nmx75evo
