Fai mai sa tuu e faailoa ane se finagalo o le faigāmalo a Peretania i le matāupu i le va o le BBC ma Donald Trump lea ua faafefe ane o le a ia ave i le tulafono le BBC ona o se matāupu e faatatau i se faasalalauga na faia i le taimi o le faigāpalota o le 2020 ma sa faatulaga ai e faia se faamatalaga a le failautusi o le atunuu, Lisa Nandy e faatatau i le matāupu lea i le House of Commons peita’i e foliga ua toe taofia lea tulaga mo le taimi nei.
O le matāupu lea ua tuuina ane ai faamavaega mai le faatonu sa iai o le BBC faatasi ma le faauluuluga o le vaega o talafou ma ua mae’a faatoese foi le BBC i le faaletonu lea i le faatinoina o le auaunaga, peita’i ua finau le loia a Trump e lē gata ina faia se faatoesega mai le BBC ae ao foi ona tuu ane ma se taui mo faamatalalga taufaaleaga mai lea faasalalauga.
Fai mai le faatonu o le BBC ua faamavae, Tim Davie e ui i le tulaga ua tula’i mai ae ao lava ona finau pea le BBC mo ana tusitala e ui i le tele o le mau faitioga ua faalogoina.
O le vaega a le Leipa o loo i le malo o loo latou lagolago i le BBC ae e lē o faia ni faamatalaga e tuua’ia ai Trump ma o loo vaavaai pea le to’atele poo le ā le faai’uga o le a iai i lea matāupu.
Puna o Faamatalaga: https://www.9news.com.au/world/uk-government-is-caught-up-in-a-feud-between-donald-trump-and-the-bbc/0021487b-905e-4250-8706-2f388b858972
