E oo atu i le 300,000 le aofai o le seleni a le laulauafono a Aukilani (Auckland Council) mo tapenaga mo moli emoemo o le Kerisimasi i le tausaga nei.
Ma o se matāupu ua faaalia ai manatu o tagata, o isi ua upuia le telē tele o lea seleni ua faaaogā mo nei fuafuaga a o iai le atunuu i tulaga pagatia o le alualu i luma taugatā o le soifuaga.
A o isi ua talisapaia lea faamoemoe, ma le manatu o se mea lelei le tuuina atu o lenei seleni, o se itu e saga faamatagofie ai le taulaga aemaise ia tosina atu ai le aga’i atu o tagata e maimoa ma matamata, manatu o se tupe alu lelei.
Māua foi atonu e fesoasoani e una’ia ai pisinisi ma a latou taumafaiga.
Faamauina o lenei seleni o le a faaaogā e faatau ai ni mōlī emoemo Kerisimasi ta’i lima mita le uumi e teu ai faaitu o le Queen Street e pei ona teuteu i tausaga uma mo maimoaga a tagata lautele.
Mo le silafia o le tausaga na te’a nei na faia ai se laau kerisimasi i le taulaga, ma e oo atu i le 1miliona le aofa’i o le tupe na faaaogā mo le tuufaatasia ma le teuina o lea laau Kerisimasi.
Puna o Faamatalaga: https://www.rnz.co.nz/news/national/578589/300-000-auckland-christmas-decorations-spark-mixed-feelings
