Talu mai ona amata totogi faletalimalo o loo faanofoesea ai I latou mai fafo, e tusa ma le $23 miliona le tau atoa o pili poo invoices tuuina atu ia I latou omai mai fafo
O lea ua 6 masina talu ona totogi e tagata faimalaga mai I Niu Sila potu ma nofoaga o loo omai faanofoesea ai, ma ua toe maua mai ai le $6.7miliona, ae faatali le isi $1.5 miliona mai peimeni ua ova aso e le totogia
E tusa ma le $3100 le tau o loo totogi e le tagata e toatasi, $950 mo le isi tagata matua faaopoopo ae $475 mo le tamaititi faaopoopo, ma I ripoti e le taitai afa ai le tau atoa o loo faanofoesea ai I latou mai fafo
Ae mo I latou ua toe tipoti mai Ausetalia, tagata sulufai, konesula ma nisi lava o mafuaaga tatau, o loo mafai ona savavali ese mai nei nofoaga e aunoa ma le popole I nei peimeni
O loo mafai foi ona silasila le malo I le mafai e talosaga ai tagata mai fafo e nonofo fua, ma o loo mafai ona talosaga ao tapena e omai, talosaga ao faanofoesea poo le taimi foi ua tuua ai le nofoaga na faanofoesea ai, ma e le o mafai ona talia nei talosaga pe a le lava faamaoniga
