Gladys Berejiklian

Toe faaumiumi le tapu I Niu Sau Uelese

Toe faaopoopo le umi o le lockdown poo le tapu I Niu Sau Uelese ao faaauau pea ona siitia le aofai o tagata ua aafia ile faamai.

O le premier o le setete Gladys Berejiklian na ia faailoa I le feiloaiga ma tusitala I le aso, o le tapu leaeaofiaai Sini, Central Coast,Blue Mountains,Woolongong ma Shellharbour o le a faaauau mo leisi fa vaiaso. O lona uiga faatoa maea I le aso 28 o Aukuso.

E 177 cases fou faamauina I le aso ma le 46 oi latou ia sa iai pea I le komiuniti ile taimi o loo aafia ai. E toatasi le ua maliu ma ua oo atu le aofai o tagata ua maliliu I le setete I le toe pepesi lea o le faamai, I le 11.

O se tina pe a male 90 tausaga na maliu ile falemai I Liverpool I le aso ananafi, e lei faia sona tui ma na aafia ile faamai ile aso 24 o Iulai.

O galuega faufale I nofoaga e le o nofoia, construction sites o loo ifafo mai o nofoaga e valu o loo matua faamalosia ai aiaiga ole tapu, o le a mafai ona toe tatala i le aso Gafua.

O tamaiti aoga I le tausaga 12 o le a toe amata aoga I le aso 16 o Aukuso. E silia ma le 94 afe tagata na faia siaki I le 24 itula talu ai faagata I le ta o le valu I le po anapo.

Leave a Comment

Your email address will not be published. Required fields are marked *

Keep uptodate with Radio Samoa activity & promotion

* indicates required