O King Maha Vajiralongkorn o Thailand ua tuvae nei i Saina ma o ia le ulua’i Tupu mai Thailand ua asia Saina.
O lea asiasiga o se valaaulia a le Peresetene o Saina, Xi Jingpin ina ia faamanatu le 50 tausaga o le mafutaga a atunuu e lua lea sa amata mai ai sootaga tau upufai o malo mo le ulua’i taimi i le 1975.
Ua faailoa i le BBC se faamatalaga mai le faigāmalo a Thailand o le malaga ane o lo latou Tupu ua atagia ai le loloto o sootaga faaleuō ma maliega o loo faasoa i le va o Thailand ma Saina i soo se tulaga.
I Beijing o le a asia ai la e le Tupu ma lana Masiofo o Queen Suthida nisi o mata’aga iloga i totonu o Saina.
Ua ta’ua foi o le a talimalo le ta’ita’i o Saina ma lona faletua i se taumafataga mo le aumalaga.
O Thailand o loo avea pea o se tasi o paaga faamiliteli a Amerika peita’i e foliga ua vavalalata lava le mafutaga ma Saina auā o Saina foi o le paaga aupito telē lea a Thailand i fefaataua’iga.
Puna o Faamatalaga: https://www.bbc.com/news/articles/c0l750p7y5no
