Ua osofa’ia e Thailand le atunuu o Cambodia ma ua amata ane ma nisi fetauiga i le va o ia atunuu tuaoi i le Atu Asia.
Ua fesiligia ai e nisi le tulaga ua oo iai le Peace Plan a Amerika lea sa faailoa i le lua masina talu ai mo le faaitu lea e foliga ua lē manuia.
O loo tau fai tautuua’i e le isi atunuu le isi atunuu i lenei vesiga e faatatau i osofa’iga ua faia i lo la tuaoi.
E lē fou le vevesi lea i le tuaoi o atunuu e lua ma ua tele foi taimi i le tuana’i ua pa’ilima ai lava a la fitafita ma vaegā’au.
O le masina foi o Iulai o le tausaga nei lava na maliliu ai tagata i fetauiga lava ia ma le lata i le 200 afe na leai ni fale e nonofo ai i itu uma e lua.
O le faamatalaga a le Palemia o Thailand, Anutin Charnvirakul na ia ta’ua ai e lē fia vaai lona atunuu i ni vevesi peita’i e lē mafai foi ona o latou tuumāmāina le solia o lona mamalu.
O loo tetee le vaega o le puipuiga a Cambodia i osofa’iga ia ua faia atu a Thailand ma o loo maumaua’i lava o latou e tumau lo latou naunau e faatumauina le maliega o le filemu sa iai talu ai.
A itiiti mai pe to’afā tagata Cambodia ua maliliu ma isi o loo manunu’a i ia osofa’iga.
Puna o Faamatalaga: https://edition.cnn.com/2025/12/07/asia/thailand-cambodia-border-clashes-december-intl-hnk
