Search
Air New Zealand

Suia faigamalaga a le Ea Niu Sila e aunoa ma le muai faailoa I pasese

Sa tatau lava I le kamupani vaalele a le Ea Niu Sila ona faailoa I pasese suiga o ana faigamalaga

O saunoaga nei a John Duffy o le Consumer NZ I luga o le 1News faatatau I le fenumiai ma le le fiafia o nisi o tagata Kiwi o poloka I le United Kingdom ona o fesuiaiga o faigamalaga a le Ea Niu Sila o lenei tausaga, a’o tickets sa faatauina e le I sau le Koviti ma ana fesuiaiga

Faailoa e Scott Carr o le Ea Niu Sila, tusa e I le va o le 30 I le 40 pasese ua maea faatau tickets mo faigamalaga I le va o Aperila ma Iuni o le tausaga nei, ma o nei tickets na faatau e le I aafia femalaiga I le faamai

Peitai, o lea ua tele ina le taunuu le tele o faigamalaga, ma o le aso ananafi na toe fesuiai faigamaalga I luga o le system o loo faatauina ai pepa malaga a le kamupani vaalele mo le masina o Aperila seia oo ia Iuni

Ua faailoa foi e le Ea Niu Sila, o I latou uma o loo taumafai e transit pe ui ane I atunuu Asia, e le o mafai ona toe maua ni a latou refund ae na o credits

O ni fesuiaiga ua faaalia ai le le fiafia o le toatele pei ona faailoa I luga o le laupepa a le Kiwis Coming Home

Ua valaau mai ai ma le Consumer NZ I le kamupani vaalele I le leai o se faasilasilaga I luga o lana website e faailoa ai ia I latou ua maea totogi pasese ua le taunuu a latou faigamalaga

O loo tu malosi Consumer NZ e finau mo pasese ua aafia, aemaise lava ia I latou o loo tausaili mai vaa e toe foi mai ai mai atunuu mamao ua tele ina taofia femalagaiga a vaalele

Taua ai e Duffy, ua faaopoopo ai ma le avega ia I latou o loo saili avanoa,, e fai o fesuiaiga o vaalele, ao le tau sailia foi o potu e omai faanofoesea ai

E oo mai anapo e le o iai ni faigamalaga I luga o le website a le Ea Niu Sila ua faamaonia I le fesuiaiga fou ua iai nei

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required