Ua faaoo atu e le Iuni a Europa vaalele tau e lua mo Spain poo Sepania e fesoasoani ai i taumafaiga e tapē afi o loo ua aafia ai le atunuu.
Ua to’atolu tagata ua maliliu mai nei afi ma ua iai le popolega e foliga o le a faaauau pea ona sosolo le afi i vaega o loo aafia.
O le vaaitau ua o latou faailoa o le a faaauau pea le iai o le heatwave se’ia oo i le Aso Gafua ma ua oo i le 44 tikeri le vevela i le tele o nofoaga.
O Spain le atunuu lona lima mai Europa ua mana’omia vave se fesoasoani i le tapeina o afi ia, o Greece foi ua faamauina ua oo atu i le 25 afe eka o fanua ua faaleagaina i le afi talu mai le Aso Lua o le vaiaso nei.
Fai mai se sooupu a le malo o Spain o le finauga faasaga i afi nei e lē iloa se tuaoi.
O se tasi o faanoanoaga ua faailoa mai i le lipoti lea a le BBC e faapea ua to’alua nai tagata volunteer poo e ofo fua le soifua i le auaunaga fuimu, ua maliliu a o faatino o latou tiute ma ua faaoo faamaisega i nai o latou aiga aemaise o fanau.
Puna o Faamatalaga: https://www.bbc.com/news/articles/ckg4k7ppmnko
