Ua fuafua le pati a le National e faatu se lafo poo se palota le faatuatuaina agai I le fofoga fetalai o le maota o Trevor Mallard pe afai ae toe amatalia le Palemene mo lenei tausaga.
Faailoa I lipoti a le televise 1 na amata faaalia finagalo o tagata I le mataupu lea e aofia ai le fofoga fetalai ina ua faailoa o tupe ale au totogi lafoga na faaaoga e totogi ai le 300 afe o se mataupu faaletulafono na aofia ai le fofoga fetalai na ia faia ai ni tuuaiga sese e faapea o loo faigaluega ile Palemene se tagata na faatino ni uiga mataga I se tasi.
Ole faamatalaga la a le taitai o le maota mai le itu agai Chris Bishop ua ia taua ai o le lafo poo le palota le faatuatuaina lea e faia faasaga I le fofoga fetalai o le a taumafai e faatalanoa ma faapalota I le aso.
E ui I lea ae ua taua foi I le lipoti o loo tumau pea le tele o nofoa I le pati a le Leipa lea e le taumate o le a tetee I lea lafoga, o lona uiga o le a le faatalanoaina foi.
Ole Pati a Maoli, le ACT male Green o le a faamautu o latou finagalo I le mataupu I le aso i a latou fonotaga faia ma ole a Iloilo ai pe o tumau pea le faatuatuaga o pati uma I le fofoga fetalai e faatumau ai I lea tofiga.
E lei fia faia se finagalo o Mallard ina ua fesiligia e le Leitio faavaomalo a niusila e tusa o le mataupu ae sa ia faatoese faalauaitele I ana faamatalaga sa faia I le tagata sa faigaluega I le Palemene lea na aofia I le mataupu Ae lei fofogaina lea lafoga I le palemene sa unaia e Bishop le palemia ina ia silasila totoa I le mataupu ma tomanatu pe faapefea pe ana fai o se faipule o le National lea na faia lea tulaga ole tuuai sese o tagata faigaluega ile Palemene ini tuuaiga ogaoga e le faamaonia
