E to’alua ni alii talavou ua faailoa mai nei le auai ma taaalo mo le kalapu soka o le South Island United mo taaloga faapolofesa o le OFC Pro League.
O le tasi o nei alii o se alo o Samoa, e suafa ia Dauntae Mariner, o sē ua tele taaloga faapolofesa i le soka ua taalo ai, e aofia ai Egelani, Potukale, Ausetalia, ma Niu Sila.
Faamauina na malaga mai lea alii mai Ausetalia mo Nelson Niu Sila e taalo ai ona o se sootaga i le alii faia’oga o le ‘au o lea faaitu, ia Ryan Stewart.
Faaalia e lenei alii lona agaga e saga atia’e lana taleni i lenei fā’agatama aemaise o le auai i se vaega fou o le taaloga i lenei vaitau.
O le isi alii e suafa ia Riley Grover e 21 tausaga le matua ma na ola a’e o ia i Tasman ma na amata mai lona olaga taalo soka i le 5 o ona tausaga.
Puna o Faamatalaga: Media Release- South Island United
