Ua malilie Saina ma Amerika o le a toe faia se suiga i tariffs i luga o a la oloa mo le isi 90 aso e pei ona faailoa mai i se pepa o faamatalaga fai faatasi a atunuu e lua.

Ua faia mai lea faaaliga i le mae’a o feutana’iga e tele sa faia i le faai’uga o le vaiaso ma fetuuna’iga tau fefaataua’iga sa faia i Geneva a sui o malo e lua ma ua o la tau fai mata’itū ai le tāua o le faatumauina pea o mafutaga umi ma tulaga lelei e iai mo le tamaoaiga aemaise fefaataua’iga.

O le aso 14 la o Me lea ua faatulaga e faamamalu ai lea fetuuna’iga ua malilie ai o le a faaitiitia le aofa’i o tupe totogi faaopoopo poo tariffs i luga o a la oloa mo le 90 aso.

O lona uiga la o le a faaitiitia ai mo se taimi lē tumau tariffs i luga o oloa a Saina mai le 145 pasene sa iai i le 30 pasene ma o le a faaititiia foi levies a Saina i luga o oloa a Amerika mai le 125 pasene i le na o le 10 pasene.

Ua maitauina foi suiga lelei i fefaataua’iga a maketi faavaomalo aemaise i maketi a le Atu Asia.

Puna o Faamatalaga: https://www.9news.com.au/world/donald-trump-tariffs-us-china-announce-90-day-pause/8ff92aa4-4fd3-464d-8761-eb4feb49cc2b