E na o le 13 tausaga o se tamaititi mai Adelaide ua molia i le umia o ni extremists materials poo ni pepa poo ni faamaumauga e faaosofia ai lagona faatupu faalavelave i Ausetalia i Saute.

Fai mai lipoti o le faamasinoga i Adelaide na tulai ai i le Youth Court e tauala i le videolink.

Ua feta’ua’ina sa ia umia ia materials mai lana computer ae l? o faailoaina ituaiga materials sa ia mauaina.

Ua ave e leoleo le computer ma ua faailoa poo ni nai vaiaso e faia ai suesuega i ia faamaumauga.

Ua ta’ua foi i le lipoti popolega ona ua feta’ua’ina e iai popolega i ona aafiaga i le autism ma e ono aafia gofie ai.

Ua ioeina e le faamasino le tatala i tua o le tamaititi ma iai aiaiga.

O le a toe tulai i le faamasinoga i le vaiaso fou e toe iloilo ai fetuuna'iga mo le tatala i tua.

Puna o Faamatalaga: https://www.9news.com.au/national/south-australia-child-charged-for-allegedly-possessing-extremist-material/baf39a2d-28bd-4677-8e66-c747f0fad763

Ua lipotia le toatele ua agai atu e saili avanoa faigaluega i se tasi o faletalimalo tele o le a tatalaina i Adelaide.

Ua ta’ua pe ? ma se masina ona tatala lea o le 5 Star Marriott Hotel, ma e 130 avanoa faigaluega o loo maua ai.

Ta’ua e le pulega o le faletalimalo o loo faagasolo faatalanoaga mo ia avanoa i le taimi nei ma ua faailoa foi e l? na o le tomai ma le silafia i le galuega o loo latou sailia peitai latou te ofoina foi tulaga tau i le faalauteleina o le silafia i le faatinoina o le auaunaga.

E 15 fogafale o le Marriott ma o le uluai faletalimalo lea faapea a le Marriott i lea faaitu o Ausetalia.

O le ogatotonu o Aokuso ua fuafua e tatalaina ai.

Puna o Faamatalaga: https://www.9news.com.au/national/hundreds-of-candidates-vying-for-130-jobs-at-adelaides-newest-fivestar-hotel/a818f6ae-a838-4f85-945c-6e370fa867e3

Ua faamatuu mai e leoleo videos mai le CCTV o se alii o loo sailia nei i lona osofaia o tamaitai e faaaog? ai ni auupega ma gaoia meatotino a i latou ia ma faafefe.

E toaf? tamaitai na maua ane ai e leoleo lipoti na osofaia e lea alii i faaitu o Toongabbie, Northmead ma North Paramatta fai mai sa ia agai atu ma se naifi faamoe ma se samala.

Fai mai leoleo mai faamatalaga a ia tamaitai uma e toaf?, ua iloa ai e foliga o le tagata lava lea e tasi ma pe ? ma le 20 tausaga le matua.

E talitonu leoleo e foliga e na o ia o loo aofia i nei soligatulafono ae ua fautuaina ai tamaitai ia alofia le savavali na o latou i nofoaga pogisa ma e l? o toatele nisi o iai.

Ua fautuaina tagata ia vili vave leoleo pe a silafia lea alii ma se mea o iai.

Puna o Faamatalaga: https://www.9news.com.au/national/sydney-police-release-cctv-hunt-for-armed-man-targeting-women-in-sydney/41fe36a2-bc0a-4a4c-857b-5fe74dfa95cf

O se suesuega faatino a leoleo ua aveesea uma ai tagata mai se aoga i le itu i Matu i Sisifo o Sini i le faaitu o Castle Hill.

O le faamatalaga mai leoleo e faapea e l? o iai se lamatiaga i le fanau aoga peitai o gaioiga lava e ao ona faatino mo le saogalemu pe a faia se operation faapea.

O loo ta’ua i le lipoti a le 7News e talitonuina o se faamata’u o se pomu na faia atu i luga o le telefoni ua afua ai lea suesuega ma o loo faatalia se isi lipoti lata mai a leoleo pe a mae’a suesuega.

Puna o Faamatalaga: https://7news.com.au/news/sydney-school-evacuated-due-to-police-operation--c-15249001

Ua iva tausaga talu ona tala i lalo le ofisa sa faatino ai galuega au? le tautuaina o le Fono Aoao Faitulafono a le atunuu, ae o lea ua faato’? aloaia le suaina o le eleele e amata ai le galuega o le ofisa fou, o le a faatupe uma e le Malo o Ausetalia.

I le sauniga o le suaina o le eleele na saunoa ai le Komesina maualuga o lea Malo i Samoa ma ia faailoa o se galuega o le a le nofo aitalafu ai le Malo o Samoa pe saili se nonogatupe e fausia ai, au? o le a sasaa mai le tamaoaiga o lona Malo e fausia ai le galuega, lea ua fuafua e tusa lona tau ma le 30 miliona tala Ausetalia.

O le tausaga e 2012 na amata fuafua ai le fausia o se maota fou mo galuega a le ofisa o le fono aoao faitulafono, ma tala ai loa i lalo le ofisa tuai i le tausaga e 2015. 

Se vaega o le saunoaga a le ta’ita’i o le Malo le afioga i le tamaitai Palemia, afioga Fiame Dr Naomi Mataafa i le sauniga o le suaina o le eleele e aloaia ai le amataina o le fausia o le nofoaga fou mo le Ofisa o le Fono Aoao Faitulafono i Mulinuu.

O se galuega ua fuafua e 22 masina o le a fausia ai, lea ua faatulaga e tatau ona mae’a ia Aperila o le tausaga e 2026 a o lei faia le isi palota tele a le atunuu.

Mo le silafia e le atunuu o le tasi o galuega na faatupe e le Malo o Ausetalia faatasi ai ma le sao tau tupe o le Malo o Samoa o le fausiaina o le maota fono fou ua iai nei o le Palemene lea na tatala aloaia i le masina o Mati o le tausaga e 2019.

O le tau o le soifuaga i le maualuga o le sii o le tau o oloa ma le pa’? i lalo o le tau o nisi oloa o se tasi lea o vaega o le finagalo tali o le Minisita o Tupe sa agai i saunoaga a sui faipule sa latou fia maua se faamaninoga, pe ua mafua ona sii le tau o le soifuaga o le aufaipisinisi poo le Malo.

O oloa manaomia e tagata i aso uma e pei o taumafa o loo aumai mai fafo o se vaega sa faamalamalama e le Minisita o Tupe le afioga Lautimuia Uelese Vaai, lea sa taualuga iai tali a le Malo i le tala faatatau autu o le tupe ua pasia.

O se tasi o mataupu sa tali iai le Minisita o tupe o le polokalame o galuega faavaitaimi ma le faiga faavae fou ua aiaia ai le totogi o auaunaga e pei o le 50 tala e totogi e le tagata e manuia lana talosaga i se galuega faavaitaimi, ma le tasi le afe tala o le tupe e totogi i le tausaga e Fono Faavae a itumalo faapalota pe afai e fia ave ni tagata o o latou itumalo i ia galuega i Niu Sila ma Ausetalia.

Le Minisita o Tupe le afioga Lautimuia Uelese Vaai i se vaega o lana saunoaga tali i le Palemene i le tala faatatau autu o le tupe ua mae’a ona soalaupule ma pasia e le Palemene.

O le aoauli o le Aso Faraile o le uluai vaiaso lenei o le masina o Iulai 2024, o le a faamanatu ai i Samoa le tutoatasi poo le Independence Day o le Malo tele o Amerika o se tasi o paaga totino a le Malo o Samoa.

O se aso faailogaina o le a auai le ta’ita’i o le Malo o Samoa i le tamaitai Palemia ma sui o le Kapeneta, aemaise o sui o isi Malo o loo galulue i Samoa.

O le toe polokalame lea a le sui o lea Malo sa galue i le ofisa o Amerika mo le lua tausaga le tamaitai o Noriko Horiuchi ua mae’a lona taimi galue.

O le vaiaso nei e pei ona faailoa ai i auala o fesootaiga a le Malo na feiloai atu ai Noriko i le ta’ita’i o le Malo mo le taimi mulimuli a o lei tuua Samoa ma lona aiga.

O le maota o le sui o le Malo o Amerika i Samoa lea o loo i Vailima o le a faia ai polokalame o le samiina o le tutoatasi o le Malo tele o Amerika.

O le tamaitai o Nicolina Ah Kuoi o le a tauaveina le pale o le Miss Global Samoa mo le tausaga lenei 2024, ina ua l? mafai e le tamaitai ua mae’a ona faapaleina o Rosevellaryn Odile Brown ona faaauau lona tauaveina o lea tulaga ona o mafuaaga tau i lona aiga.

Ua faailoa e le pulega o le kamupani telefoni o le Vodafone o loo taulamua i le lagolagoina o le Miss Global Samoa le faamavae o lea tamaitai, i le tuanai o se masina talu ona faapaleina.

Ua faailoa e le kamupani telefoni o le tamaitai o le a ia faaauau ona avea ma Miss Global Samoa sa ia maua le tulaga lua le first runner up, ma o tulafono masani o ia tauvaga a l? mafai e le tamaitai na manumalo ona tauave le tofiga ona faaauau lea e le tamaitai na tulaga lua.

O le a faalauiloa i se feiloaiga a tusitala ma le pulega o le Vodafone Samoa i se aso o le masina nei le faapaleina o le tamaitai o Nicolina Ah Kuoi.

O se tasi alii mai Sini lea o le a tulai i le faamasinoga i le as? e feta’ua’ina le aafia i le feme’iaina o tupe taufaavalea.

O le ausuesue a le Strike Force Downstream na o latou suesueina le mataupu lenei e aofia ai syndicate o loo latou faagaioia le tusa ma le 3 miliona o tupe taufaavalea e ala i le faatauina o oloa e pei o filifili auro ma isi.

Ua toaono ai i le alii lea tagata ua molia i lenei mataupu e pei ona faamatala e le 9News.

O se fale i Greenacre na su’e e leoleo i le vaiaso talu ai ma maua iai le tele o telefoni feavea’i, ma isi masini e alu i le eletise atoa ai ma fualaau faas?ina. 

O loo faaauau pea le suesuega.

Puna o Faamatalaga: https://www.9news.com.au/national/man-arrested-multi-million-dollar-fraud-alleged-sydney/9be2cfc8-ba60-4595-9b5d-0d759bdfa2a7

I se lipoti lata mai o le faalavelave i Melepone e pei ona faailoa atu i talafou ananafi, ua faailoa mai e toatolu talavou ua molia.

O le taavale na malaga atu ai e talitonu na gaoia lea na feto’ai ma se tasi taavale ma maliu ai sia avetaavale e 28 tausaga mai Ashburton.

O teine talavou ta’i 15 tausaga e toalua na taofia e leoleo i le po o le faalavelave ma le isi alii talavou e 17 tausaga na pu’eina i le po anapo ua molia uma i latou ia i lea faalavelave.

O loo sailia e leoleo nisi o molimau i lenei faalavelave ina ia fesoasoani ane.

Puna o Faamatalaga: https://www.9news.com.au/national/teens-arrested-and-more-on-the-run-after-man-killed-in-melbourne-crash/09dd72d9-1dd7-483a-929c-ff60af87a3fb