vaccinate

Ripotia i leoleo tagata ua o fai tui faaaoga ai igoa o isi

Ua maua ua iai nisi o tagata Kiwi ua o fai tui e tau ai igoa o isi tagata

O lea ua ripotia agai i leoleo e le matagaluega a le soifua maloloina nisi ua o i nofoaga o loo fai ai tui ma ta’u iai igoa o isi tagata ina ia maua ai i faamaumauga ua uma o latou tui o le Koviti

Ripoti a le TV1, o se faiga ua faia ina ia aua ai ne’i maumau galuega a i latou e le o fia faia tui atoa ai ma le agavaa i le tusifolau ua taua o le vaccination passport lea ua ta’uta’u

O nofoaga nei e faia ai tui o loo tele ina faalagolago i le faamaoni o tagata o loo agai atu mo tui, ma ona e le o tapa ni pepa faamaonia e pei o se tasi lea o mafuaaga ua sao ai

Taua ai e Jo Gibbs o le National Director Covid-19 Vaccine, e le lelei lea gaioiga ma e le o iai foi se mafaufau e avea le tui ma pa pupuni i tagata e pei o le mafuaaga lea o le le tapa o ni pepa faamaonia, aemaise lava ia agavaa ai tagata uma e oo lava ia i latou e le i nofomau

O le sau o tala i nei faiga faaalatua ua maua ai i le maea faailoa e le Palemia, Jacinda Ardern i le Aso Faraile talu ai o le traffic light system fou lea o loo faamoemoe uma i le tui, aemaise o le tele o galuega a le malo faapea kamupani tumaoti ua faamalosia le tatau ona faia tui, a leai ua leai ni galuega

Leave a Comment

Your email address will not be published. Required fields are marked *

Scroll to Top

Keep uptodate with Radio Samoa activity & promotion

* indicates required