O tulafono fou ua pasia i le Palemene a Tonga e ono maua ai e le Tupu o Tonga se avanoa telē e mafai ona saunoa ai i matāupu tau i le va i fafo a lona atunuu.

Fai mai le leitio faavaomalo a Niu Sila, o le pili ua faaulu o le a suia ai le Ministry of Foreign Affairs i se isi igoa fou o le His Majesty’s Diplomatic Service.

Ua fuafua o le a faamalosia atili ai le faavaa mo le amio aemaise o nisi o sootaga faakonesula aemaise le faamalosia o le silasila i matāupu tau femalagaa’iga ia ogatasi ma mana’oga o tagata.  

O le Matagi Tonga ua o latou lipotia o le pili sa faaulu e le ofisa o le va i fafo ua mae’a pasia nei ma ua faailoa i le lipoti o lona uiga ua toe foi le tele o matāupu a le ofisa o le va i fafo i le aigatupu.

Ma ua faailoa foi o lea gaioiga ua tuumāmāina ai se taumafaiga sa fuafua e faaliliu ane ai le malosi’aga poo le pule mai le aigatupu aga’i i le Palemene. 

Puna o Faamatalaga: https://www.rnz.co.nz/international/pacific-news/569959/new-bill-gives-tonga-s-king-control-over-diplomacy