E to’a 12 tagata ua maliliu ma le silia i le 20 o loo manunu’a i le faalavelave na tula’i mai i le laumua o Pakistan o Islamabad.
Fai mai lipoti o se tasi o faalavelave tugā, faapā pomu pule i le ola ua aafia ai le atunuu aemaise le aai lea i le lata i le 20 o tausaga.
Ua lipotia e le CNN o le vaega a le Jua Jamaat ul Ahrar o se vaega o le Taliban a Pakistan lea o loo ta’ua o latou na faatinoina le osofa’iga.
O loo matua’i faitioina e le Peresetene o le atunuu, Asif Ali Zardari lea faalavelave sa tupu tonu i tafatafa ane o le fale faamasino a le atunuu.
Na tupu le faalavelave i se nofoaga pisi o le aai i se itumalo e tele iai ofisa o le malo.
Fai mai le CNN, e aunoa ma ni faamaoniga na tuu ane na tuua’i sa’o lava e le Palemia o Pakistan se vaega faatupu faalavelave i Initia faapea o latou ua faatinoina lea osofa’iga peita’i sa tetee malosi mai iai Initia.
Tau fai faailoa ane e ofisa o le malo o Saina ma Amerika lo latou faitioina o le vaega na faatupuina lea faalavelave ua ta’ua o se alii na aga’i ane i le nofoaga lea ma faapā ai le pomu i totonu o se taavale, maliliu ai ma tagata e pei ona ta’ua.
O loo faia le su’esu’ega i lenei faalavelave.
Puna o Faamatalaga: https://edition.cnn.com/2025/11/11/world/blast-islamabad-pakistan-intl
