A o faai’ui’u ai le fonotaga a Minisita o Matāgaluega o le Va i Fafo i le Pasefika, o lea ua māua le tuuina atu o le talosaga a le Minisita a Niu Sila, o lea Matāgaluega, Vaovasamanaia Winston Peters, o se ofo a le atunuu e talimalo ai mo le fonotaga a Ta’ita’i o le Pasefika, le Pacific Islands Forum Leaders’ Meeting i le tausaga 2027.
Māua i lipoti o le Aso Tofi o lenei vaiaso na tuuina atu ai lenei talosaga a le Minisita.
O le taimi mulimuli na talimalo ai Niu Sila i lea fonotaga tāua i le tausaga 2011.
Ta’ua e Vaovasamanaia e ui o le faai’uga e tuuina mai e ta’ita’i, ae ua ia ta’utino ua tapena Niu Sila, e toe talimalo pe a oo mai le 2027.
Puna o Faamatalaga: https://www.rnz.co.nz/international/pacific-news/569999/new-zealand-offers-to-hosts-2027-pacific-islands-forum-leaders-meeting
